صابلي بالشوكولا

 

العجينة: في بول نحط 3كيلات فرينة.ملعقة فاني.نصف ملعقة صغيرة خميرة كيميائية نخلط مليح و نزيد كيلة ما بين سمن و مرغرين ذايبين نبسس العجينة و نزيد صفار بيضة و نلم العجينة بالحليب و ماء الزهر حتى نتحصل على عجينة طرية و نخليها ترتاح شوية

الحشو: في بول نحط 3كيلات لوز او كاوكاو مرحي.كيلة سكر تكون ناقصة شوية و نلم بماء الزهر

نحل العجينة بالحلال و نطبع دوائر بطابع قطره 7سم نعاود نحلهم شوية باليد نحط الحشو و نرولي نقفل مليح و نشكله هلال من بعد نغطس الحبات في بيضة و نرمدهم في اللوز افيلي و نحطهم في صينية و ندخلهم للفرن درجة الحرارة 180* حتى يأخذوا اللون الذهبي و نزين بالسكر الناعم شهية طيبة