صابلي بالشوكولا

العجينة: في بول نحط 250غ مرغرين طرية.150سكر ناعم.مبشور ليمون.ملعقة فاني.نصف كيس خميرة كيميائية.بيضة نخلط مليح حتى يتجانسوا و نزيد الفرينة حتى نتحصل على عجينة متماسكة بلاما نعجنها نخليها تريح 10د من بعد نفرشها في المول نسڨمها و نثقبها بالفرشيطة ندخلها للثلاجة 10د و ندخلها للفرن درجة الحرارة 180* حتى تأخذ اللون الذهبي الغامق

كريمة الليمون: في كاسرونة نحط 130غ زبدة.150غ سكر ناعم.عصير 4ليمون.3صفار بيض نخلط مليح و نحطها فوق النار حتى تعقد و نخليها تبرد مليح(من الاحسن نحضرها قبل بليلة)

المورانغ: في بول نحط 6بياض بيض.150غ سكر.قرصة ملح و نطلعهم بالباتور حتى نتحصل على مورانغ بقوام ثقيل

نحط كريمة الليمون فوق التارت و نزين بالمورانغ من بعد نحمره بالآلة ولا ندخله للفرن قيس ما يتحمر و نخرج التارت نخليها تبرد مليح و نقدمها شهية طيبة