حلوة المفشش
الضيفة شاف نصيرة توهامي
طريقة التحضير م المقادير
نخدم جنواز
في غيسبيو نحط 5 حبات بيض مع قرصة ملح وملعقة فاني
و150 غ سكر
ونضربهم بالباتور مليح حتى يطلع البيض ويتغير اللون تاعو نزيد 150غ فرينة حوالي كاس وربع نزيد كيس خميرة كيميائية
ونخلطهم بسباتول مليح
ونفرغهم في سنيوة الفرن بيها ورق الطهي على درجة الحرارة
180درجة
حتى طيب نخرجها ونخليها تبرد ونرحيها
المرحلة تانية
كريمة الميرانق
نحط 3 بياض بيض
مع قرصة ملح وملعقة فانيليا نضربهم مليح ونحطلهم نص كاس سكر بتدريج وفي نفس الوقت نخلط حتى يطلع شكل مورانغ وندخلو في تلاجة مدة ساعة كاملة يبرد ويشد روحو نعاود نخرجو ونفرغ غير بالعقل 140غ زبدة دايبة وباردة وفي نفس الوقت نخلط بسباتول غير بالعقل باه مايطيحش الميرانق ونخليه بجيهة
المرحلة التالتة
في غيسبيو كبير نحط الجينوز مرحي نزيد نص كاس لوز محمص ومرحي بقشورو او نحط كوكاو نزيد نص كاس جوز محمص ومرحي ونخلطهم مليح مع جينواز ونبداء نرمي بشوي تع الميرانق في غيسبيو تع الجينواز ونخلط ونزيد حتى يدخل في جينواز وتتلم وتولي عجينة طرية نبداء نكور فيهم كورات على شكل حبة بيض
ونغطسهم في شكولا بالحليب دايبة ونزينو بحبة الجوز او كوكاو
ونحضر لتزين
طلية القهوة الذوبان في كاسرونة نحط 2 ملاعق كبار سكر وملعقة قهوة سريعة الذوبان وفنجال ماء يغلو عشرة دقايق
ونطفي عليهم ونخليهم يبردو ونحطلهم سكر ناعم حتى نتحصل على طلية ماتكون شادة روحها ماتكون خفيفة ونفرغها في لابوش جوتابل ونزين خطوط من فوق حبة لمفشش ونخليهم ينشفو ونقدمهم في كيسات ويقدم شهية طيبة
تعليقات
إرسال تعليق