صابلي راقي بحشو خرافي
العجينة: في بول نحط 500غ مرغرين طرية.2اكياس سكر فاني.2بيض.2صفار بيض..قرصة ملح.ملعقة كبيرة خميرة كيميائية.ملعقة كبيرة لاروم الفراولة نطلعهم كامل بالباتور حتى نتحصل على كريمة نطفي الباتور و نزيد كاس نشاء و نبدأ نزيد في الفرينة بالتدريج حتى نتحصل على عجينة مثل الصابلي نحطها فوق طاولة عمل مرشوشة بالفرينة و نحلها سمك رقيق نطبع قلوب نستفهم في صينية نعاود نحل العجينة سمك خشين شوية و نطبع قلوب و في وسطهم قلوب أو ورود نطيبهم كامل حتى يأخذوا اللون الذهبي
نخلط مربى الفراولة مع ملعقة كبيرة لاروم الفراولة و نحط قلب ندهنه بالمربى و نحط عليه القلب المحفور في الوسط و نعمر الثقب بالمربى و نعاود نحط قلب اخر من بعد نحكهم على سيار باه الأطراف يكونو معدولين
الطلية: في بول نحط بياض بيضة.ملعقة لاروم الفراولة.عصير ليمونة.ملعقة ماء الورد نخلط مليح و نزيد السكر الناعم بالتدريج حتى نتحصل على عجينة متماسكة و نبدأ نحل فيها بالماء الورد حتى نتحصل على القوام المطلوب و لازم الطلية تكون ثقيلة شوية و نبدأ نطلي في القلوب و نزين بوردات من عجينة السكر و نخليهم ينشفوا مليح و نحطهم في ليكيسات شهية طيبة
تعليقات
إرسال تعليق