حلوة المفشش

 

في بول نحط 250غ مرغرين طرية.نصف كاس سكر و نطلعهم بالباتور مليح حتى نتحصل على كريمة نزيد 2ملاعق كبار معجون المشمش.ملعقة كبيرة كاكاو و نبقى نخلط نزيد كاس لوز او كاوكاو محمص و نرحيه و هو سخون و نبدأ نزيد في الفرينة مع نصف ملعقة صغيرة خميرة كيميائية حتى نتحصل على عجينة طرية

نرش طاولة عمل بالفرينة و نبدأ نحل في العجينة بالحلال سمك رقيق و نطبع دوائر و نحطهم في صينية مفروشة بورق الطهي و بقايا العجينة نحطهم معاهم تاني و ندخلهم كامل للفرن درجة الحرارة 180* حتى يطيبوا

بالنسبة للصابلي نلصق كل حبتين بالمعجون و نڨلاصيهم بالشوكولا السوداء بالحليب من بعد نرش الأطراف بالفستق و ندير خطوط من الشوكولا و نزين بالعقاش الملون شهية طيبة