صابلي بالشوكولا

في بول نحط 125غ زبدة التوريق.كاس سكر رقيق و اذا خشين نعاود نرحيه.نخلط مليح حتى يذوب السكر نزيد كاس زيت.كيس فلون كراميل.2ملاعق كبار جلجلان محمص.كاس لوز محمص بالقشور و مرحي (نقدر نعوض اللوز بالكاوكاو) نخلط مليح حتى يتجانسوا و نزيد ملعقة فاني.على راس الملعقة الصغيرة خميرة الخبز.2اكياس خميرة كيميائية و نبدأ بإضافة الفرينة (حوالي 500غ ) نلم و في نفس الوقت نعجن حتى نتحصل على عجينة طرية

نكور العجينة كويرات بوزن 35غ و نشكل الغريبية بين الكف تاع اليدين و نحطهم في صينية مفروشة بورق الطهي و ندخلهم للفرن درجة الحرارة 170* حتى تتشقق و تأخذ اللون الذهبي شهية طيبة